“Җиде көн”. 18 апрель.

Атналык күзәтү.

Илләрнең чикләрен япкан, алга киткән илләрнең дә икътисадына җитди зыян салган, меңләгән, миллионлаган кешенең тормышларын үзгәртергә сәләте булган бу чир чигенергә уйламый. Бу атнада дөньяда аны йоктырган кешеләр саны 2 миллионнан артып китте.

Россиядәге вәзгыятькә килсәк, бүгенге көндә ил буенча авыручылар саны 30 меңгә якынлаша. Кызганычка каршы, коронавируска бәйле вәзгыять Татарстанда да уңай якка үзгәрми. Бу атнада аны йоктыручылар саны 100дән артып китте. Чәршәмбедә булган брифингта Татарстан Сәламәтлек саклау министры Марат Садыйков табибларның авыруларны дәвалау буенча тәҗрибәсе зур булганын билгеләп узды. Хәзерге вакытта 1 382 урынга исәпләнгән 12 госпиталь эшкә әзер. Ихтыяҗ туса, тагын 3 меңнән артык авыруга 26 дәвалау учреждениесе хәстәрләнәчәк.

Нашли опечатку? Выделите фрагмент и отправьте нажатием Ctrl+Enter