“Юллар чатында”. 15 апрель.

 Татарстанда COVID-2019 коронавирус инфекциясе таралуны кисәтү максатыннан күрелә торган чаралар арасында транспорт хәрәкәтенә кагылышлылары да  шактый. Үз-үзеңне изоляцияләү режимы кертелгәннән соң республика шәһәрләре һәм районнарына керү урыннарында куелган постларда 800 меңнән артык  кеше тикшерелгән. Аларның 3 меңе төрле административ хокук бозулар өчен штраф алган. Үз-үзеңне изоляцияләү вакытында 30 меңнән артык машина үткәрү урыннарыннан кире борылган.

 Исегезгә төшереп үтәбез, шәхси транспортта йөрүчеләргә, җәяүлеләргә һәм пассажирларга кебек үк чикләүләр  кертелгән: эш урыныннан белешмә яки махсус смс белән килгән пропуск булганда гына хәрәкәт рөхсәт ителә.

Нашли опечатку? Выделите фрагмент и отправьте нажатием Ctrl+Enter