«22 апрель — Конституциягә төзәтмәләр кертү буенча тавыш бирү көне». 16 март.

         67.1нче статьяда язылганча, балалар — Россия Федерациясе дәүләт сәясәтенең мөһим өстенлеге. «Дәүләт балаларның рухи, әхлакый, интеллектуаль һәм физик үсеше,  аларда патриотизм, гражданлык һәм өлкәннәргә карата хөрмәт тәрбияләү өчен шартлар тудыра. Дәүләт, гаилә тәрбиясе өстенлеген тәэмин итеп, караучысыз калган балалар өчен ата-ана вазыйфаларын башкара», -диелгән документта.

         «Татарстан»  дәүләт телерадиокомпаниясе корреспондентына Татарстан Республикасында Бала хокуклары буенча вәкаләтле вәкил Гүзәл Удачина менә ниләр сөйләде:

         «Кызыклы, тирән  һәм җитди фикерләүне һәм аңлауны таләп итә торган төзәтмәләр күп. Шул исәптән, әлеге үзгәрешләрнең Россия Федерациясенең башка законнарына нинди  йогынты ясавын да күзалларга кирәк. Һичшиксез, минем эшчәнлек өлкәсенә кагылышлы, гаилә һәм гаилә кыйммәтләрен  саклауга бәйле  төзәтмәләр  җитди игътибар һәм ярдәм таләп итә.