“Җиде көн”. 7 март.

Атналык күзәтү.

Тапшыруыбызны икътисад һәм сәнәгать яңалыкларыннан  башлап җибәрәбез. Казан Ратушасында Сәүдә, икътисади һәм фәнни-техник хезмәттәшлек буенча Россия-Сербия Хөкүмәтара комитетының пленар утырышы узды. Очрашуда РФ вице-премьеры Юрий Борисов, Сербиянең беренче вице-премьеры, тышкы эшләр министры Ивица Дачич һәм Татарстан Президенты Рөстәм Миңнеханов  катнашты. Шул ук көнне Татарстан Сәнәгать һәм сәүдә министрлыгы  узган елгы эшенә нәтиҗә ясады.

Дүшәмбедә  Татарстан Президенты каршындагы Эшкуарлар советының киңәйтелгән утырышы булды, ул Республика Президенты Рөстәм Миңнеханов рәислегендә узды.

Киләсе  атнада, 12 мартта, алтынчы чакырылыш Дәүләт Советының сигезенче утырышы була. Парламент Президиумы утырышында шундый карар кабул ителде.

Иртәгә – язның беренче бәйрәме – Халыкара хатын-кызлар көне. Бу көннәрдә без гүзәл затларыбызның  кешелек, җәмгыять тормышындагы роле турында тагын бер кат исебезгә төшерәбез, аларга ихлас соклану һәм рәхмәт сүзләрен әйтәбез.

Нашли опечатку? Выделите фрагмент и отправьте нажатием Ctrl+Enter