“Җиде көн”. 15 февраль.

Атналык күзәтү.

Республиканың министрлык һәм ведомстволары узган елдагы эшчәнлекләренә нәтиҗә ясау һәм 2020 елга бурычлар билгеләүгә багышлаган коллегия утырышларын дәвам итте. Бу атнада  Татарстан Президенты Рөстәм Миңнеханов эш сәфәре белән  республиканың Кукмара һәм Балтач районнарында булды.

Бүген  совет гаскәрләрен Әфганстаннан чыгаруга 31 ел тулуга багышланган чаралар уза. Билгеле булганча , 1989 елның 15-нче февралендә совет гаскәрләренең соңгы колоннасы Әфган-совет чиген узган. Хәрби хәрәкәтләрдә 2 меңнән артык солдат һәм офицер катнашкан.

Муса Җәлилнең тууына 114 ел тулу уңаеннан бүген Татарстан Милли музеенда «Моабит дәфтәрләре» көне билгеләп үтелә.

Бүген  тагын бер истәлекле дата — мәшһүр җырчы, Россиянең һәм Татарстанның халык артисты, Г.Тукай исемендәге Дәүләт премиясе лауреаты  Илһам Шакировның тууына 85 ел тула.

Нашли опечатку? Выделите фрагмент и отправьте нажатием Ctrl+Enter