Әдәби-музыкаль композиция. 8 февраль.

Тагын бер атнадан кабатланмас моң иясе, бөек җырчыбыз Илһам Шакировның тууына 85 ел тула. Шушы уңайдан безнең радио быелгы февраль аен “Илһам ае” дип игълан иткән иде. Аңлашыладыр, бу көннәрдә безнең эфирда ул башкарган җырлар, ул катнашкан тапшыруларның язмалары гадәттәгедән ешрак яңгырый. Аларда без бер яктан, сөекле җырчыбызның якты рухын искә алсак, икенче яктан, халкыбызның моң дигән тиңсез байлыгы булуын, һәм аны югалтырга ярамаганлыгын тыңлаучыларыбызга искәртеп тә куябыз.

Бүген әнә шундый тапшыруларның чираттагысы. Хәзер игътибарыгызга Илһам Шакров концерты тәкъдим ителә. Гади генә концерт түгел, ул башкалары арасында аерым бер урын алып тора. Без тыңлыйсы концерт бөек җырчыбызның йолдызы иң югары ноктада балкыган чорда, 70 нче елларда трансляция буенча язып алынган. Бу концертта күп кенә җырлар беренче тапкыр башкарылган. Соңыннан алар халкыбызның иң яраткан җырлары булып китәләр. Әйдәгез, кадерле дуслар, язмага бернинди дә үзгәртмәләр кертмичә, ничек бар – шул килеш тыңлыйк әле.

Нашли опечатку? Выделите фрагмент и отправьте нажатием Ctrl+Enter