Июнь ае студентлар өчен җаваплы, дулкынландыргыч мизгел. Имтихан бирү, диплом яклау. Казан дәүләт институтының татар актёрлык курсында укучы студентларның да Галиәсгар Камал театрында диплом спектакльләре күрсәтелде. Галиәсгар Камал әсәре буенча куелган “Беренче театр” спектаклен бездә күреп кайттык.
Театр ул серле дөнья, ә анда иҗат итүче шәхесләр, актёрлар, режиссёрлар чын шәхесләр. Артист булу һөнәренә юл салучы укытучылар киң күңелле, олы йөрәкле иҗат әһелләре.
Диплом спекталенең комиссия рәисе, Уфа дәүләт сәнгать академиясенең актерлык осталыгы һәм режиссура кафедрасы мөдире Таңчулпан Бабичева чыгарылыш курс студентларына үзенең хәер фатихасын бирде.
Таңчулпан Бабичева: “ диплом спекталенең комиссия рәисе, Уфа дәүләт сәнгать академиясенең актёрлык осталыгы һәм режиссура кафедрасы мөдире”
Камал театры актёрлары белән мине күптәнге дуслык бәйли. Бу килүем дә очраклы гына түгел, чыгарылыш курс студентларының экзамен комиссиясе рәисе буларак чакырылдым. Быел бик сәләтле артистлар укуын тәмамлый. Мин аларның танылган артист буласына ышанам. Алар бик бәхетле курс, чөнки 4 ел элек аларны даһи режиссёр, олы җанлы шәхес Фәрит Бикчәнтәев үз группасына сайлап ала. Мин аларның чыгышы белән бик сокландым. Аларга уңышлар телим, хәзер инде алар студент түгел, ә чын профессиналь актёрлар.
Вәли ролен уйнаучы Зөфәр Нуртдинов: ”Героем белән үз холкым охшаш, тормышта да үз-үзеңне нәкъ Вәли сыман тотарга туры килә”- ди.
Актёрлык осталыгы буенча актёр, режиссёр Рамил Гәрәев, сәхнә теле буенча Татарстанның атказанган артисты, педагог һәм нәфис сүз остасы Инсаф Абдулла әзерли. Укытучылар һәм студентларның уртак иҗат җимешенә әти-әниләр дә, килгән тамашачы да югары бәя бирде.
Спектакльнең үзенчәлеге шунда Биби чит илдән килүче буларак инглиз акценты белән сөйләшә, гомүмән бүгенге көнгә яраклаштырып, заманча сулыш алган спектакль бу.
Алия Галиуллина, Ирек Хәмидуллин, Татарстан яңалыклары.
