Соңгы арада балаларга телне, гореф-гадәтләребезне мирас итеп калдыру өчен төрле проектлар гамәлгә ашырылып килә. Шуларның берсе Татарстан Президенты каршындагы телләрне саклау һәм үстерү комиссиясе ярдәме белән оештырлган җырлы-биюле Салватик балалар проекты.
Баланы ана телендә камил сөйләшә белгән, үз милләтен хөрмәт итүче шәхес итеп тәрбияләүдә татар балалар басмалары зур урын алып тора. Татарстан Республикасында төрле яшьтәге балалар өчен Салават күпере һәм Сабантуй журналлары нәшер ителә. Бүгенге көндә бу басмалар мультимедиа үзәге булып тора. Журнал нәшер итүдән тыш, редакция YouTube проектларны да тормышка ашыра. Хәзерге вакытта саф татар телендә шундый 10 проект эшләп килә. Салаватик алар арасында иң популяр, үз тамашачысын тапкан җырлы-биюле проект.
Һәр проектның нигезендә бала тәрбияләү бурычы булган кебек, Салаватик та үсеп килүче буынны моңлы һәм шаян җырлар аркылы тәрбияләүдә мөһим урын алып тора. Проектның төп максаты — күпләр кечкенәдән тыңлап, җырлап үскән татарча балалар җырларын яшь буынга аңлаешлы формада өйрәтү, таныту.
Проект кысаларында барлыгы 16 җыр планнаштырыла. Шуның бишесе инде YouTube киңлекләрнә таралып унышар меңнән артык карау җыйган.
Алия Галиуллина Вадим Исламов Татарстан яңалыклары.
