«Татмедиа» Республика матбугат һәм массакүләм коммуникацияләр агентлыгында күркәм бер вакыйга булып үтте. Биредә матбугатка язылучылар арасында гаҗәеп кызыклы бер конкурс игълан ителгән иде. Ниһаять, бәйгегә йомгак ясау мизгелләре килеп җитте. Конкурсның үзенчәлекләре һәм аның җиңүчеләре белән Искәндәр Гыймалтдинов танышып кайтты.
Бәйгедә катнашу шартлары җайлы гына икән: 2022 елның беренче яртыеллыгына ким дигәндә бер газетага һәм бер журналга язылырга, аннары квитанцияләрнең күчермәләрен “ТАТМЕДИА” агентлыгына җибәрергә кирәк булган. Ә менә бүләкләре саллы. Төп җиңүче санаторийга ике кешелек юллама алды. Каберәүләр икешәр, хәтта өчәр газета-журналга язылган.
Бәйгедә Татарстаннан тыш Башкортстан, Марий Эл, Чувашия, Красноярски һәм Ырымбур өлкәләрендә яшәүче милләтәшләребездә катнашкан.Баш бүләк итеп Санаторийга юллама билгеләнү дә юкка гына түгел, чөнки әбүнәчеләрнең күпчелеге – авыл кешеләре. “ТАТМЕДИА” аларга сәламәтлекләрен ныгыту өчен мөмкинлек тудырырга булган.
Шулай ук, бүләкләр арасында үтүк, эш кораллары җыелмасы, электр ит турагычы, робот-тузын суырткыч, смартфон, телевизор һәм кар чистарту машинасы да бар иде. Кыскасы, рәхәтләнеп газета укы да, җүләк от. Әйтүләренә караганда, мондый конкурслар киләчәктә дә күздә тотыла.
Искәндәр Гыймалтдинов, Никита Граханцев, Татарстан яңалыклары
