Яз җылы килү сәбәпле Татарстанда тупылларның мамыклануы гадәттәгедән иртәрәк башланды. Мамык болыт булып Казан урамнары буйлап оча һәм серкә аллергеннарын күчерә.
Соңгы айда хастаханәләргә аллергиядән зарланып бик күп кеше мөрәҗәгать иткән. Россиядә әлеге авырудан кулланыла торган дарулар сату күләме 23 миллионнан артык тартма тәшкил иткән, бу узган яз белән чагыштырганда 10 процентка күбрәк. Шул ук вакытта даруларның уртача бәясе 9% ка артып 237 сумга җиткән. Сатуларның үсеше апрельдә үк башланган. Күп кенә даруларны чәчәк ату чорына кадәр берничә ай алдан кабул итә башларга кирәк. Тупыл мамыгы көннең иң эссе вакытында активлашып, июнь уртасына кадәр аллергия белән интегүчеләргә зыян китерә. Россия Гадәттән тыш хәлләр министрлыгы югары янгын куркынычы турында да кисәтә. Тупыл мамыгының яну температурасы 800 градуска җитәргә мөмкин, бу янгын чыгуга һәм аның тиз таралуына китерә.
