Татарстанда “чиста урманнар” акциясе дәвам итә. 17 июньгә кадәр баручы чара кысаларында Актаныш районында урманнарны чистарту буенча төрле чаралар уздырыла. Шушы көннәрдә әлеге эшкә кадет интернат мәктәбе укучылары да кушылды.
Агач питомнигы җитәкчесе Альберт Гардиханов иң әүвәл укучыларга эш тәртибен аңлата. Узган ел утыртылган агач үсентеләре яхшы үсеп китсен өчен аларны чүп чардан арындыру кирәк. Әлеге эшкә укучылар зур теләк белән алынган.
Богады авылында урнашкан питомникта үсентеләрне карау тәрбияләү эшенә кадет мәктәбе укучылары җәлеп ителгән. Урманнарны чистарту безнең төп бурычыбыз дип саный кызлар –егетләр. Юстина Исламова да Үзенең туган көнендә урманчыларга ярдәм итәргә дип килгән.
Кадет мәктәбе укучылары урманчыларга һәрдаим ярдәмгә килә. ел әйләнәсе алар агач утырту, питомникны чүп-чардан арындыру, урманнарны чистарту кебек эшләрдә катнаша.
Югары Богады авылы урманга терәлеп үк урнашкан. Электән авыл халкы хуҗалыкта җыелган чүпләрен бирегә түгү күренешеләре күзәтелсә дә, халык хәзер әкренләп тәртипкә өйрәнеп килә. моны авыл өлкәннәре дә куәтли.
Чиста урманнар акциясенә кушылып кадет мәктәбе укучылары урманда ташлап калдырылган пластик шешәләр, һ б чүпләрне капчыкларга тутырып, махсус урынга урнаштырды.
Акция кысаларында урманнарда чистарту өмәләре уздыру планлаштырылган. Аларныж тцп максаты урманнарны читсарту гына түгел, үсеп килүче яшь буынга экологик тәрбия бирү дә
Эльза Әхмәтҗанова, Регина Салахова, Татарстан яналыклары, Актаныш районы.
