Татарстан Республикасы Мәдәният министрлыгы, Татарстан Республикасы Милли музее, Татар әдәбияты тарихы музее һәм Шәриф Камал мемориаль фатиры (Татар китабы йорты) яшь язучылар өчен «Проза» һәм «Әдәби тәрҗемә» номинацияләре буенча Шәриф Камал исемендәге әдәби премия булдырды. Инде конкурста катнашучыларның эшләре кабул ителеп, нәтиҗәләр ясалды. Тулырак Фәннур Хәсәнов язмасында.
Премия Шәриф Камалның әдәби мирасын популярлаштыру, прозаның кече жанрында (хикәя, новелла, кечкенә повесть) иҗат итүче талантлы яшь авторларны барлау, әлеге жанрны үстерү, яшь авторларның әдәби эшчәнлеген стимуллаштыру, киң җәмәгатьчелек игътибарын тере әдәби процессның феноменына җәлеп итү максатыннан гамәлгә куелган иде. Шулай ук татар әдәбиятын башка телләргә тәрҗемә итү һәм таныту, тәрҗемәчеләр тәрбияләүне дә тормышка ашыруны максат итеп куелды – бу җәһәттән КФУ ның Халыкара мөнәсәбәтләр институты Чит телләр һәм тәрҗемә Югары мәктәбенең мөгаллимнәре белән белгечләре ярдәмгә килде, -дип белдерәләр оештыручылар.
Дания Заһидуллина-Татарстан фәннәр академиясе вице- президенты
Гыйнвар дәвамында Татар китабы йортының интернет-платформаларында “Остазлар мәктәбе” эшләде- премиягә дәгъва кылган яшьләргә проза һәм тәрҗемә буенча ачык дәресләр, мастер-класслар уздырылды. Әле Шәриф Камал айлыгы февраль аенда да дәвам итәчәк һәм аның туган көнендә – 27 февральдә төгәлләнәчәк. Татар әдәбиятының классигына багышланган чаралар арасында әдипнең иҗатын өйрәнү, пропагандалауга багышланган түгәрәк өстәл, туганнары белән очрашу, иҗади мирасы буенча фильм-әңгәмә, премиягә дәгъва кылучы авторлар белән таныштырулар циклы да узачак.
Луиза Янсуар шагыйрә, тәрҗемәче, Ш.Камал мемориаль фатиры директоры
Эльза Шакирова Ш.Камалның туганы
Конкурс нәтиҗәләре буенча, Җиңүчеләргә премияләр тантаналы рәвештә Татар әдәбияты тарихы музее һәм Шәриф Камал мемореаль фатирында(Татар китабы йорты) тапшырылды.
