Россия премьер-министры Михаил Мишустин льготалы гаилә ипотека вакытын озынайту турындагы карарга кул куйды. Анда елына 6% процент тәшкил итүче торак кредитына, бер һәм күбрәк бала булган гаиләләр дәгъва итә ала дип, белдерелә. Мөндый мөмкинлек белән балалары 2018 елның 1 гыйнвареннән соң һәм 2023 елның 31 нче декабренә кадәр туган гаиләләр генә файдалана ала. Әлеге программада 150 меңгә якын гаилә катнаша алачак, ә займнарның күләме 1 триллионга кадәр җитәчәк дип көтелә.
Шул ук вакытта, хөкүмәт җитәкчеләре ипотека программасы шартларын киңәйтү турында да фикер алыша. Мәсәлән, аның вакытын чикләмичә, һәр балалы гаиләгә, ә льготалы ставканы торакның мәйданына бәйләп бирергә ниятлиләр.
Шуны да искә төшереп китерергә кирәк: программа кысаларында алынган кредит акчаларын девЕлоперлардан әзер фатир сатып алганда, яки төзелеп килүче торак өчен юнәльтеп була. Шулай ук подряд килешү нигезендә шәхси торак төзү өчен, җир сатып алуга, бакча йорты(дача), коттедҗ яки таунхаус төзүдә дә әлеге кредит акчаларын куллып була.
Мәскәү һәм Санкт-Петербург шәһәрләрендә льготалы гаилә ипотеканысын торак бәясе 12 миллион, илебезнен башка субъектларында 6 милиион сумга кадәр булган очракта рәсмиләштереп була. Кредит өчен кертелгән беренче акча күләме торак бәясенең 15% процентын тәшкил итергә тиеш.
Льготалы гаилә ипотекасын алты айга озынайту, тагы да күбрәк яшь гаиләләргә торак шартларын яхшыртырга мөмкинлек бирәчәк дип, көтелә.
