ТАССРның 100 еллыгына әзерлек барышында, республикада бик матур традициягә нигез салынды. Яшь балалары туган аз керемле гаиләләргә юбилей бүләкләре тапшырыла. Бу Татарстан президенты инициативасы белән гамәлгә кергән яңа проект. Район үзәк хастаханәсенең бала тудыру бүлеге залында куанычлы вакыйга –яшь балалары туган өч гаиләгә юбилей бүләкләре тапшырылды. Башкарма комитет җитәкчесенең социаль мәсьәләләр буенча урынбасары Ләйсән Нурлыева гаиләләрне котлады.
Актаныш районы Башкарма комитеты җитәкчесенең социаль мәсьәләләр буенча урынбасары Ләйсән Нурлыева: «Әгъбәс авылында яшәүче Рәшитовлар да әлеге бүләккә лаек булды. Илнура һәм Динәес Рәшитовларның яңа елда, ике кыздан соң көтеп алган уллары туган.»
Илнура Рәшитова: » Бүләк кабы эчендәге сигез мең сумлык бәби кирәк-яраклары күпбалалыларга да, яшь аналарга да зур ярдәм. Кышкы комбинезон, юрган, бишек, памперс, гигиена әсбаплары, кер юу порошогы салынган бүләк тартмасы Актанышбаш авылыннан беренче сабыен кулына алган Айсылу Сәлимгәрәевага да, Актаныштан өченче баласын тапкан Алсу Фәрухшинага да бик ошады.»
Актаныш районы үзәк хастаханә баш табибы Айдар Хәев яшь аналарга, гаиләләргә ныклы саулык, балаларын исән-имин, илнең лаеклы гражданнары итеп, ныклы тәрбия биреп үстерүләрен теләде.
Актаныш районы үзәк хастаханә баш табибы Айдар Хәев:»Бүләкне алу өчен гаилә кереме турында белешмә алып, аны бала тудыру йортына илтеп тапшырырга кирәк.»
