Казан федераль университетында Дизайн һәм пространство сәнгатьләре институты оештырылганга әле бер генә ел. Әмма эшчәнлекләренә 5 ле куярлык. Югары белемле, компетентлы остазлар туплап быел беренче студентларын да кабул итте. Ә шушы көннәрдә мобилизацияләнүчеләргә ярдәм кулы сузарга булганнар. Ничек икәнен хәбәрчебез Мөршидә Җиһан белеп кайтты.
Нәкъ шундый хәрби киемгә ихтыяҗ зур ди үзе дә 3 ай мобилизациядә булып кайткан тәҗрибәле конструктор. Разгрузка дип аталган күп кесәле җиңсез өс киеменең түш кесәсен, хәтта снаряд кыйпылчыгы тишкән. Студентларга ул тегү үрнәге буларак куелган. Аны киеп хезмәт иткән Евгений Жемков әйтүенчә, хәрби экипировка бәясе элек 10 меңгә дә җитми иде , ә хәзер 50 меңнән артып китә. Арзанга тегү һәм әмма сыйфатын тагын да яхшырту тәкъдиме белән ул Казан Федераль университетының тәҗрибле технологларына мөрәҗәгать итә.
Динара Төхфәтуллина бу эшкә бик теләп килә. Аннан башка тагын 5 студент укудан тыш хәрби кием тегәргә булыша.
Балаклава, ягъни муенга кадәр каплаулы башлык, җиңсез өс киеме, җил үткәрми торган костюм, гомумән күпсезонлы хәрби кием комплектын тулаем тегергә һәм яңартырга алынган дизайн һәм милли сәнгать кафедрасы укытучылары. Тегү машиналары да өр-яңа. Барысы да сафта.
Дизайн һәм пространство сәнгате институтында текстиль эшләнмәләрен ясау һәм модельләштерү буенча остаханә әлегә хәрби кием тегү тәҗрибәсен сынап карый. Алар киемне мөмкин кадәр уңайлы итү өчен тырыша. Әйтик, муен өлешләренә төзәтмәләр кертү, өстәмә кесәләр тегү. Ә тегү өчен чимал белән институтка иганәчеләр дә, аерым кешеләр дә ярдәм иткән. Беренче юлыга җыенысы 10 комплект хәрби кием тегеп тапшырырга җыеналар. Әлбәттә бу очракта күләм түгел ,сыйфат әһәмиятле. Зур елгалар да кечкенә инештән башлана.
Мөршидә Җиһан,Ия Кислицина, Дамир Мөхәммәтханов. Татарстан яңалыклары.
