Татарстанда «Алга» һәм «Тимер» ирекле батальоннарына ярдәм итү өчен счет ачылды. Республика җитәкчелеге тиз арада батальоннарны экипировкалау мәсьәләсен хәл итүгә кушылды. Шулай ук, Татарстанның ДОСААФ , ягьни армия, авиация һәм флотка ярдәм иткән оборона җәмгыяте дә читтә калмады. Бүгенге көндә Татарстан батальоннары ихтыяҗлары өчен республика күпсанлы бронежилет, шлем, ноутбук, квадрокоптер, җылылык визорлары, электр генераторлары, яктырту җайланмалары, шанец инструментлары, тормыш өчен мөһим медикаментлар җыелмасы аптечкалары, шәхси гигиена чаралары сатып алган. Республиканың ДОСААФ җәмгыяте Украинада махсус операцияләрдә катнашучы сугышчыларга ярдәм күрсәтергә теләүчеләр өчен махсус счет ачу турында карар кабул итте. Аның реквизитлары — экранда һәм безнең trt-tv.ru сайтында.
