«Ялкын» журналы балалар мәгълүмат басмалары арасында уздырылган «Волшебное слово» Бөтенроссия конкурсы җиңүчесе булды. Журнал «Югары сыйныф укучылары һәм абитуриентлар өчен иң яхшы журнал» номинациясендә җиңү яулады.
2020 елда «Волшебное слово» конкурсына Россиянең 33 төбәгеннән, Беларусь Республикасыннан 140 гариза килгән. Моның кадәр катнашучы әлеге конкурс өчен рекордлы булган. «Волшебное слово» конкурсы басма матбугат предприятиеләре Союзы тарафыннан матбугат һәм массакүләм матбугат чаралары Федераль агентлыгы ярдәме белән инде алтынчы ел уздырыла. Әлеге конкурс балалар өчен иң яхшы газета-журналларны барлап кына калмый, ә балалар матбугатының үсеш юнәлешләрен билгеләргә, яшь матбугат чараларына, яңа брендлар үсешенә өлеш кертергә һәм балалар, яшүсмерләр арасында басма матбугатны укуны популярлаштырырга булыша.
