Татарстан Президенты Рөстәм Миңнеханов Саха (Якутия) Республикасына эш сәфәре барышында Ысыах милли якут бәйрәмендә булды. Чара быел Якутия АССР төзелүнең 100 еллыгына багышлап үткәрелде.
Рөстәм Миңнеханов халыкларның гореф-гадәтләрен һәм мәдәниятен саклап калуның мөһимлеген билгеләп үтте.
Саха (Якутия) Республикасы Башлыгы Айсен Николаев, үз чиратында, Рөстәм Миңнехановка Якутскта Татарстан көннәрен оештырган өчен рәхмәт белдерде. Ысыах – җәйге кояш торышы көненә туры килә торган халык бәйрәме. Халык бәйрәмнәре халыклар бердәмлегенә дә зур йогынты ясый.
Башта аны районнарда, ә аннан соң — республика күләмендә үткәрәләр. Бәйрәмдә 200 меңгә якын кеше җыела. Халык зур көмеш бизәкле милли киемнәрдән. Ысыах татар халкының милли бәйрәме Сабантуе белән тиңдәш.
Шушы 4 көн эчендә Татарстан делегациясе һәм Якутия халкы туганлык җепләрен сәнгать аша да ныгытты.
Сагынып алган татар спектаклен тамашачы да югары бәяли
Региональ товар әйләнешен үстерү юлларын Татарстан — Якутия эшлекле форумында җайга салдылар. Форум барышында берничә эре компания хезмәттәшлек турында килешү төзеде. Татарстан Президенты фикеренчә, мөмкинлек кече бизнес өчен дә ачык.
Моннан тыш, Якутиядә 4 көн эчендә Саха Республикасында нәшер итү эше, медиа һәм татарларга ярдәм итү өлкәсендә килешүләр төзелде. Әмма төп нәтиҗә, һичшиксез, ике төбәкне якынайту, алар телне генә түгел, ә милли үзенчәлекне саклап калу һәм тугандаш халыклар белән Бердәмлектә булу омтылышы.
Эльвира Фәйзулина, Ренат Сәхибгәреев, Саха Республикасыннан Татарстан яңалыклары.
