Салкын һавада автомобиль йөртү өчен күбрәк ягулык тотыла. Ә менә ягулык салу станцияләрендә бензинның сыйфаты таләпләргә туры киләме? Белгечләр бер ай дәвамында ягулыкның сыйфатын тикшерә. Экспертлар кагыйдәләрне бозу очракларын да ачыклады. Ямашев урамындагы ягулык салу станциясе.
Традицион ягулыкны тикшерү айлыгындагы чираттагы рейдны экспертларның мобиль төркеме үткәрде. Ягулыкне өч шешәгә тутырып алдылар.
ТР ягулык һәм энергетика ресурсларыннан файдалану идарәсе башлыгы урынбасары Шамил Гомәров: «Анализга 2 литр ягулык алына, кара төстәге шешәләргә салына. Бер шешә шунда ук лабораториягә тикшерүгә, икенчесесаклауга җибәрелә, ә берсе — арбитраж шешә. «
Соңгысы ягулык белән тәэмин итүче дәгьва белдерә калса, әйберләтә шаһит буларак саклана.
Барлык анализлар да бәйсез лабораториягә китерелә. Шешәләрдәге ягулыкка пломба салына, анда ягулыкның маркасы һәм стандартлар турында мәгълүматны үз эченә алган этикетка бар.
Мондый төгәллек дөрес анализ ясарга шартлар тудыра. Галимнәр дә анализ нәтиҗәләрен төрле яклап сынап карыйлар.
Өлкән лаборант Вера Нотфуллина: «Бензиннарның алты төрле күрсәткече бар. Ә дизель ягулыгының җиде төрле. Бензинда металл коррозиясен, тышкы күренгешен, концентратлар составын, күкертнең микьдарын билгеләргә мөмкин.»
Айлык 25 октябрьдә башланды. Әлегә белгечләр Казанда һәм якын-тирә районнардагы ягулык станцияләрен тикшерә.
ТР ягулык һәм энергетика ресурсларыннан файдалану идарәсе башлыгы урынбасары Шамил Гомәров: «Бүгенге көндә без барлыгы 392 анализ алдык, үз лабораториябездә 218ен тикшердек, бу 70 процент чамасы.»
Лабораториядә 14 очракта ягулыкның сыйфатка тәңгәл килмәве ачыкланган. Нигездә болар җәйге һәм кышкы дизель ягулыгының кушылган булуы, бензин составының нормативларга туры килмәве.Тикшерү нәтиҗәләренә айлык тәмамлангач йомгак ясала, сыйфатсыз ягулык салучыларның исемлеге игьлан ителәчәк.
Булат Шакиев, Дамир Мөхәммәтханов, Татарстан яңалыклары.
