Килдураз авылында урнашкан балалар санатория төзекләндерелә. Узган гасырның сиксәненче еллар ахырында сафка баскан бина бик тиздән бөтенләй үзгәреп һәм яңартылып үз ишекләрен ачачак. Елына 800әр бала кабул иткән щифаханәдә ремонт эшләре барышын безнең төшерү төркеме күреп кайтты.
Галина Семенова грильято түшәмнәре ясар алдыннан өслекне тигезләп әзерли. Эшне төгәллек белән башкармаган очракта, соңыннан кимчелекләр барлыкка килергә мөмкин ди тәҗрибәле штукатур-буяучы. Аның бригадасы шифаханәнең икенче катында ремонт эшләре алып бара.
Бүгенге көнгә бинаның тәрәзәләре, бүлмәара ишекләре һәм түбәсе алыштырылган. Фасадын яңарту эшләре да тулы куәтенә бара. 1987нче елда Килдураз участок хастаханәсе булып сафка баскан бинага балалар шифаханәсе 2002нче елда күченә.
Моңа чаклы шифаханәдә вак ремонт эшләре генә үткәрелә. Заманча таләпләргә туры килмәсә дә, биредә сәламәтлеген ныгытырга теләгән балалар саны кимеми. Алар Чүпрәле, Тәтеш, Югары Ослан районнарыннан һәм хәтта Казаннан да киләләр.
Санаторийны төзекләндерү эшләре ел башында тотына. Ул “Сәламәтлек саклау объектларын капиталь ремонтлау” республика программасы ярдәмендә башкарыла.
