Игътибар иткәнсездер, быел милли тапшырулар редакциясенең иртәнге эфирында яңа сәхифәләр саны артты. Аларның күбесе телебезне үстерүгә, милли мәдәниятебезне баетуга, гаилә традицияләрен саклауга багышлана. Бүген сезнең игътибарга тагын бер сәхифә тәкъдим итәбез. “Дөресләү дәресләре” язуда һәм сөйләмдә еш очрый торган хаталарны төзәтү, кайбер онытылган кагыйдәләрне кабатлау, аларны мисаллар белән аңлату рәвешендә оештырылган. Хәзер хезмәттәшем Ания Гыйбадуллина һәм чакырылган белгеч әзерләгән беренче кереш дәресне карый аласыз.
