Яңа елда Казанда Кремль һәм Киров дамбалары арасында «Манзара» паркы төзелә башлый. Казансу елгасы тирәсен үстерү стратегиясе ун елга исәпләнгән.
Елганың иске үзәненнән Зәңгәр күлләргә кадәр тоташырга тиеш. Үзәк өлештә ул боҗралы булачак, алга таба елганың сул ярыннан китәчәк. Әлеге парклар территориясендә 150 километр озынлыгындагы төрле велосипед, җәяүле маршрутлары була. Казансу елгасын үстерү стратегиясе территорияне тәртипкә китерү генә түгел, ә елганың экосистемасын саклау, шулай ук өлешчә югалган экосистемаларны яңадан торгызуга да исәпләнгән. Проектны Казан һәм Санкт-Петербург архитекторлары әзерли. Әлеге эшкә экологлар һәм тарихчылар да җәлеп ителгән. Проект быелның ахырына әзер булып, шәһәр халкына тәкъдим ителә. Шуннан соң финанслау мәсьәләсе хәл ителәчәк.
