Календарьгә күз салгансыздыр, Яңа 2023 елга аяк басарга 13 көн вакыт калып бара.Узып баручы елның декабрь ае суыклары, нормадан күбрәк кар явуы белән дә истә калыр. Аның каравы, чын карлы кыш нәкь вакытында — декабрь аенда килде. Узган атна башыннан кар көри торган һәр көрәк хәрәкәткә килде, өй яннарында, юлларда, сукмакларда кар чистарту өмәсендә күпләр үзе катнашты.
Шулай да декабрь ае, күпләрнең көтеп алынган, сагынып өлгергән ае. Яңа елга аяк басу, чана, чаңгы шууларны, кар тәгәрәтеп уйнауларны бигрәк тә сабыйлар зарыгып көтә. Узган ялларда да республикабызда карлы яңгырлар, җепшек кар яуды. Шимбә, якшәмбе көннәрендә айлык норманың 25 проценты күләмендә явым-төшем күзәтелде. Бер сүз белән әйткәндә, 2022 елның декабрь ае – карлы декабрь булып кереп калыр.
Декабрь аена кагылышлы халык сынамышлары да бар. Әйтик, аларның берсендә болай диелә: Бүген 19 декабрьдә — песиләр йоклаганда авыз-борынын тәпие белән каплап йокласа, тиздән көчле суыклар килер. Әлеге сынамыш бик актуаль булыр кебек. Бүген дүшәмбе — 19 декабрьдә кисәк салкынайтыр дип көтелә, Казанга Никола суыклары килә. Көн дәвамында явым-төшем туктамый. Республика территориясендә урыны белән буран чыгачак һәм юлларда бозлавык барлыкка килә. Төнлә һава температурасы 13 – 15 градуска кадәр салкынайта.
Ә иртәгә сишәмбе явым-төшем кими, суыклар саклана. 19 градуска кадәр салкыннар көтелә.
Урамда салкыннар, кар бураннар хакимлек итсә дә, күңелләрдә – җылылык булсын дигән теләктә бүгенгә саубуллашам.
