Татарстан Дәүләт телерадиокомпаниясе Русфонд хәйрия җәмгыяте белән берлектә авыру балаларга ярдәм итү буенча уртак проектны дәвам итәләр. Узган атнада сез Вадим Поляковка булышкан идегез. Моның өчен барыгызга да зур рәхмәт. Бүген унбер яшьлек Глеб Сваричның авыру тарихы. Бала симптоматик эпилепсиядән интегә, кыйммәтле дарудан башка яши алмый.
Моторика үсешенә юнәлдерелгән гади генә күнегүләрдә аңа әлегә кыен бирелә. Күп тырышырга туры килә. Унбер яшьлек Глеб Сварич тумыштан ук авыр чир-симптоматик эпилепсиядән интегә. Малайның баш мие функцияләре бозылган. Сүзләр әйтелешендә дә проблемалар бар. Бала гомере буена кыйммәтле препаратлар кулланырга мәҗбүр.
Алабуга районы Үзәк хастаханәсенең балалар поликлиникасы мөдире Гөлназ Мөхәммәтова:»бала озак вакыт дәвамында көзән җыеруга каршы терапия уза, препаратта аның уңай үсеше күзәтелә. Нәтиҗәне ныгыту өчен алга таба да препаратны даими куллануга мохтаҗ.»
Глебның әнисе Валерия Сварич: «Элек ул утны, суны кабыза, сүндерә генә иде. Ә хәзер ул утыра, дәресләр әзерли. Мисаллар яза. Текстларны күчерә.»
Бу препарат ярдәмендә унбер яшьлек Глеб хатасыз диярлек китаплар укый.
Хәзер Глеб велосипедта да йөри ала. Табиблар тулысынча савыгуга өмет бирми. Ә менә көзән җыюруны һәм тән авыртуларын киметергә була. Моның өчен даими тернәкләнү мәҗбүри. Ике елга 218 мең 579 сумлык дару кирәк. Берялгызы өч ул тәрбияләп үстергән әнисенең шулкадәр акчасы юк. Без гаиләгә бергәләп ярдәм итә алабыз. 5542 номерына ДЕТИ сүзе белән смс җибәрергә кирәк. Бер хәбәрнең бәясе 75 сум. Күбрәк өлеш кертергә теләүчеләргә тулырак мәгълүмат безнең телерадиокомпания һәм Русфонд сайтларында.
