2021нче елның икенче яртыеллыгына газета- журналларга ташламалы язылу дәвам итә. 17 июньгә кадәр һәркем яраткан басмасын сайлый ала. Язылу кампаниясе кысаларында төрле акцияләр, бәйгеләр дә оештырыла. Тулырак алдагы сюжетта.
Бассейнлы булуның шартлары бик гади. Моның өчен журналга язылган квитанция күчермәсен 28нче июньгә кадәр редакциягә юлларга кирәк. Ә Сабантуй журналы бер бәхетле язылучыга велосипед бүләк итә. Җиңүчеләрнең исеме беренче июль көнне игълан ителәчәк.
Журналның бизәлеше, эчтәлеге һәр сан белән яхшыра. Редакция хезмәткәрләре яңа июль санын әзерли. Ул Африка хайваннарына багышлана. Рәссам журналның тышлыгын – жирафны ясый. Бер журналга 15-20 рәсем кирәк.
Һәр темага кызыклы, балалар телендә язылган текстлар языла, буягычлар, ребуслар уйлап табыла. Журналның һәр битендә махсус куар код бар. Аның ярдәмендә салават күпере язмаларын Ютубта видео аша да карап була. Өстәмә мәгълүмат балалар өчен, әти-әниләр, тәрбиячеләр өчен дә бик кызыклы.
Татарстан Россия күләмендә басма матбугатка язылучы иң актив төбәк. Хәзерге вакытта Татмедиа ширкәте газета-журналларының гомуми тиражы 200 меңнән артык. Киләсе яртыеллыкта да яхшы күрсәткечләр булыр дип көтелә.
Яраткан газета-журналларга язылу өчен tatmedia.ru/podpiska сайтына керегез һәм яраткан басмагызны сайлагыз. Шулай ук Россия Почтасы бүлекләрендә дә язылып була.
Айзилә Батырханова, Таһир Хәсәнов, Татарстан Яңалыклары.
