Татарстанда халыкара балаларны яклау көненә багышланган бик күп мәдәни чаралар үткәрелде. Алар арасында «Уенфест» республикада яшәгән төрле халыкларның милли уен үрнәкләрен барлау җәһәтеннән аеруча зур әһәмияткә ия. Халык уеннарының үзенчәлекләрен хәбәрчеләребез дә күреп кайтты.
«Казанский кремль сегодня заполонили счастливые и радостные люди, а все дело в том, что здесь проходит первый республиканский фестиваль традиционных игр народов Татарстана. Вход сюда абсолютно бесплатный, главное условие – готовность веселиться.»
Казан Кремленең Туп сарае мәйданчыгында «Uen fest» фестивале башланып китте. Беренче генә үткәрелсә дә Татарстан районнарыннан 500ләп катнашучы бәйрәмдә катнашты. Ә уенның ниндиләре генә юк.
Уеннар күп, мәсәлән әлеге уенда пар сайлап бер-берсенә арка белән басарга тиешләр һәм икесе бер якка борылсалар, димәк, алар җиңә, әгәр юк икән, аларга җәза бирелә.»
Балалар белән бергә өлкәннәр дә күңел ачты. Команда ярышлары да бик кызык һәм мавыктыргыч үтте .
Уен фестиваленең үзенчәлекләре белән Татарстан Президенты Рөстәм Миңнеханов та танышты. Бу очракта уеннан уймак чыкмый дияргә була, чөнки уен фестивале ел буе дәвам иткән конкурсның финалы.
Без узган ел ук бәйге игълан иттек , анда һәр ишегалды командасы катнашты, алар видеоязмалар әзерләде һәм аны төрле пабликаларда, социаль челтәрләрдә урнаштырды. Мондый роликларның гомуми саны йөз меңнән артып китте.
Финалга йөздән артык команда сайлап алынды. Төп җиңүчеләр дә, катнашучылар да бүләксез калмады.
Айзилә Батырханова , Булат Шакиев, Ленар Хабибуллин Татарстан яңалыклары
