Республиканың күп функцияле үзәкләрендә яңа төр хезмәт күрсәтү барлыкка килде. Дәүләт хезмәтләре порталында шәхси кабинетлары булмаганнарга ковид белән авырулары яки привика ясатулары турында куар кодның кәгазь сертификатларны бастырып бирәләр. Күп функцияле үзәкләрдән алынган куар код сертификатларында медиөина мәгълүматлары юк, шулай да алар электрон варианттагы статуска ия. Әлеге сертификатларны җәмәгать транспортында да, сәүдә үзәкләрендә дә күрсәтергә мөмкин.
Татарстан — күп функцияле үзәккләрдә вакцинация яки ковид белән авыру турында сертификатлар бастыручы аз төбәкләрнең берсе. Мондый сервис төймәле телефоннар кулланучыларга яки дәүләт хезмәтләре порталында теркәлү мөмкинлеге булмаган кешеләргә уңайлы. Янда тик паспорт булу да җитә. Бер минутта документны басытырып бирәләр. Тик бер шарт мәҗүри — медицина учреждениесе мәгълүматларны системага керткән булырга тиеш.
Шул ук вакытта күп функцияле үзәккә элеккечә дәүләт хезмәтләре порталында шәхси кабинетта теркәлүне сорап мөрәҗәгать итәргә мөмкин. Шәхси кабинет гражданның үзе катнашында гына ачыла. Ә менә бастырылган сертификатны, порталда теркәлмичә генә, кулдан язылган ышаныч кәгазе белән, өлкән яшьтәге кешеләр өчен дә алырга мөмкин.
Хәзерге вакытта күп функцияле үзәкләрнең барлык офислары ял көннәрсез эшли. Якшәмбе көннәрендә белгечләр кәгазь сертификатлар бирү белән генә шөгыльләнә.
Эльмира Исмәгыйлова, Ләлә Зәйнуллина, Никита Граханцев, Татарстан яңалыклары.
