Тинчурин исемендәге Татар дәүләт драма һәм комедия театры балаларга «Тылсымлы арена» дип аталган өр-яңа спектакль тәкъдим итте. Беренче тамашачылар арасында безнең иҗат төркеме дә бар иде. Премьерадан Мөршидә Җиһан репортажы.
Дәррәү сәлам бирүче балалар — икенче гимназия укучылары. Әнә шулай мәдәни сәяхәтләре истәлеккә калсын өчен театр баскычында укытучылар белән фотога төшәләр.
Исеменнән үк күренгәнчә әлеге спектакль — әкият. Балалар гына түгел өлкәннәр дә тылсым ярата ди автор.
Тинчурин театры репертуарында балалар өчен төрле өслүптәге спектакльләр даими тәкъдим ителә. Соңгы араларда интерактив уен форматында Тукай эзләреннән һәм Әйдә, йөгердек!» квестлары үткәрелгән иде. Монысы яңа бүләк.
Спектакльнең эчтәлеге бик гади һәм тормышчан . Циркта яңа артислар- зебра белән көнгерә эшли башлый. Аларның таланты башкаларныкын уздырыр да тамашачы безне онытыр дип хафага төшә башка җәнлекләр. Әмма — Зәбирә кушаматлы зебраның да Куштәпи дип дан алган көнгерәнең дә сәхнәдә үз урыны. Алар барысы да үзенчә талантлы. Тамашачы алкышлары барысына да җитә. Гаиләсе белән килгән шагыйрь Рифат Сәлах тә әлеге фикер белән килешә.
Тылсымлы арена әкиятеннән әллә ни тирән фәлсәфә эзләргә кирәкми. Аның төп фикере бик гади. Цирк җанварлары да үзара дус-тату бердәм итеп иҗат итә. Сәхнә бизәлеше , костюмнарның төрлелеге, акробатик номерлар, җыр-биюләр һәм әлбәттә актерларның уены спектакльнең чынмәгънәсендә тылсымбулуын раслый.
Мөршидә Җиһан, Ирек Хәмидуллин, Татарстан яңалыклары.
