Яшел Үзәндәге Горький исемендәге завод хезмәтчәннәре тыл ныклыгының көчен күрсәттеләр. Дәүләтнең хәрби заказын үтәүче предприятиедә кичә Россия армиясен һәм флотын яклап чыктылар.
Зур корабларның кече ватаны нәкь менә шундый. Болар Россиядә иң зур һәм стратегик әһәмияткә ия булган суднолар төзү цехлары. Яшел Үзәндәге Горький исемендәге зоводның продукциясе тулысы белән диярлек дәүләтнең хәрби заказларыннан гыйбәрәт. Эшләре тыгыз булуга карамастан завод эшчеләре берничә минутка булса да соңгы хәбәрләр турында фикер алышырга туктап торалар.
Әлбәттә инде Украинадагы вакыйгаларга завод коллективы берничек тә битараф кала алмый. Донецк һәм Луганск халык республикаларындагы махсус хәрби операцияләрне завод эшчеләре тулысынча хуплый.Без андагы халыкның язмышы өчен борчылабыз.Шуңа да Президент карарларын бик вакытлы дип таныйлар.Башкача фикернең булуы да мөмкин түгел дип аңлата эшчеләр.
Көнбатыш чикләүләре Россия иктисадының иң мөһим тармакларына юнәлтелгән.Әмма хезмәт коллективы бу хакта бик борчылмый.Ил тктисадының җимерелүен 2008 һәм 2014 елларда да фаразлаган иделәр.Әмма фидакарләрчә эшли беләләр биредә.Бу юлы да барысы да әйбәт булыр.Украинаны утка тотуларын да күреп торабыз.Бу хәлләргә чик куеласына ышанабыз.
Нәкь менә хезмәт коллективының бер булып туплана алуы аркасында Яшел Үзәндәге Горький исемендәге завод илнең суднолар төзүче предприятиеләре арасында алдынгылыкны алып тора да инде.Бер гасырга якын эшләп килүләре моның ачык мисалы. Шул вакыт эчендә завод меңярымнан артык төрле класстагы диңгез һәм елга кораблары,суднолар төзегән.
Вадим Струминский, Рент Сәхибгәрәев, Татарстан яңалыклары.
