«Сәйдәш” мәдәният үзәгендә керәшен халык җырларын башкаручы яшьләр арасында “Туым җондызы” 12 фестивале-бәйгенең гала-концерты узды. Тулырак мәгълүмат хәбәрчебез язмасында.
Керәшен музыкаль иҗатын саклау һәм популярларштыру, халык җырларын башкаручы үзенчәлекле ансамбльләр һәм солистларны ачыклау – бәйгенең төп максаты булып тора. Башка еллардан аермалы буларак, быел катнашучылар арасында керәшен татарларыннан башка вәкилләр дә бар иде.Ә бәйгенең географиясе шактый киң.«Туым җондызы» төбәкара чара булып торганлыктан катнашучылар Татарстанның Казан, Чаллы, Түбән Кама шәһәрләреннән, Зәй, Мамадыш, Кайбыч, Чистай районнарыннан, Башкортстанның Бакалы районыннан, Чиләбе өлкәсе, Удмуртиядан килгән.
2011 елда фестиваль беренче тапкыр сайлап алу туры үткәрә.«Туым җондозы»нда катнашу өчен һәркем элеккеге керәшен җыр-биюләрен башкарырга тиеш була. Ә кемдер кечкенәдән керәшен иҗаты белән таныш булып, керәшен җырларын өйрәнеп үскән. Гала-концертның азагында «Бәрмәнчек» керәшен фольклор ансамбле дә чыгыш ясады. Әлеге фольклор ансамбле бик күпләрнең йөрәгенә юл табып, танылырга өлгерде инде. Фестивальдә катнашучылар арасында «Бәрмәнчек»ктә эшләргә теләүчеләр дә шактый икән. Егет-кызлар күңелләрендә йөрткән хыялларын яшермиләр дә.Ә «Туым җондозы» фестивале исә яшь катнашучыларга нәкь шушы мөмкинчелекне тудыра да инде.
Искәндәр Гыймалтдинов, Ринат Сәхибгәрәев, Татарстан яңалыклары
