ТАССРның 100 еллыгына багышланган күргәзмәдә Татарстан Республикасы Милли музее беренче тапкыр Казан ханлыгы хакимнәре портретларын тәкъдир итәчәк. Август аенда Республика көненә ачылачак күргәзмәгә килүчеләрне күп сюрпризлар көтә, алар әлегә игълан ителми.
Экспозиция килүчеләргә Татарстан, аның тарихы һәм халкы турында күзаллау булып торачак. Биредә Татарстан үсешенә зур өлеш керткән бөек, танылган, гади кешеләрнең язмышлары турында сөйләргә планлаштыралар.
Экспозициягә шулай ук Казан губернасының дворянлыгы һәм сәүдәгәрлеге турында материаллар да кертеләчәк. Экспозициянең бер өлеше Казан университетына, галимнәргә һәм фәнни мәктәпләргә багышланачак.
