Татарстанда вакцинацияне узмаган яки коронавирус белән авырмаган кешеләрне «Лайт спутнигы»на түләүле вакциналаштыручы шәхси медицина клиникаларын тикшерәләр. Бу хакта матбугат конференциясендә Роспотребнадзорның Татарстан Республикасы буенча идарә җитәкчесе Марина Патяшина хәбәр итте.
«Спутник Лайт»ны шәхси медклиникаларда кискен генә ясарга ярамый. Халык әлеге мөмкинлектән, сәламәтлек турында уйламыйча, QR-код алу өчен файдаланачагын аңларга кирәк», — дип билгеләп үтте Марина Патяшина.
Ул хәбәр иткәнчә, Роспотребнадзорның ТР буенча идарәсе республика Сәламәтлек саклау министрлыгы белән берлектә мондый шәхси клиникаларны тикшерә. «Лайт спутнигы» гражданнарны вакциналаштыру эшен системалаштыралар һәм оештыралар, бу препаратны ике компонентлы прививка узган яки коронавирус белән авырган кешеләр генә алсын иде.
Исегезгә төшерәбез, 11 октябрьдән Татарстанда яңа ковид-чикләүләр эшли башлады. Алар спорт заллары, сәүдә һәм күңел ачу үзәкләре эшенә кагыла — хәзер анда бары тик коронавирустан вакцинациядән соң яки соңгы ярты ел эчендә авырганнар гына алырга мөмкин булган QR-кодлар буенча гына кертелә.
