Татарстан мөфтияте Россия ислам институты һәм “Идел” журналы белән берлектә, “Таян Аллаһка” Бөтенроссия әдәби бәйгесенә иҗади эшләр кабул итә. Әлеге конкурс Россия Федерациясендә яшәүче татарлар арасында талантларны барлау һәм берләштерү, аларның иҗади эшчәнлекләрен үстерү максатыннан уздырыла. Бәйгене оештыручылар 30лап авторның иҗади эшләрен кабул иткән. Алар Россиянең төрле төбәкләреннән килгән.
Бәйге өч номинациядә үтә: шигърият, чәчмә әсәр һәм публицистик язма. Конкурска тәкъдим ителгән әсәрләр һәм мәкаләләр, татар әдәби телендә язылып, электрон вариантта кабул ителә.
Анда Россиядә яшәүче 10 яшьтән алып 60 яшькә кадәр теләгән һәркем катнаша ала. Төп шарт — аларның иҗат эше белән профессиональ рәвештә шөгыльләнмәве. Авторлар эшләрен өч номинациянең берсенә генә җибәрә ала, ягъни бер авторга бары бер генә номинациядә катнашу рөхсәт ителә. Әсәрләр белән бергә — конкурста катнашучы үзе турында кыскача мәгълүмат, адресын һәм телефон номерын җибәрергә тиеш. Белешмәләр өчен телефон экранда күрсәтелгән.
