Мобиль күзәтүче-сайлау кампаниясенең яңалыгы. Быел тавыш бирү процессын республиканың йөз блогеры һәм аларның меңләгән аудиториясе күзәтеп тора алачак.
Блогер Ксения Иванова: «Минем үземнең сайлауларның барышын күзәтеп, аны аудиториягә дә күрсәтү мөмкинлеге бар.»
Блогер Руслан Мәҗитов: «Эфирда утырып кына сайлауларга килмәүчеләрне яки сайлауларны үткәрүчеләрне бәяләү — бик җиңел. Ә монда барысы да ачык күренә.»
Республика Үзәк сайлау комиссиясендә эшнең нечкәлекләре турында сөйләделәр. Мобиль сайлаучылар белән Үзәк сайлау комиссиясе рәисе Андрей Кондратьев очрашты.
ТР Үзәк сайлау комиссиясе рәисе бегучка Андрей Кондратьев: «Иң мөһиме-гражданнарның сайлау хокуклары бозылмасын. Без барыбыз да участокта конструктив эш алып бару яклы.»
Сайлау процессының чисталыгы мәсьәләсе шәхси иминлеккә дә кагыла. Участокларда Роспотребнадзор таләпләре исәпкә алынган. Россиянең кеше хокуклары буенча вәкаләтле вәкиле Татьяна Москалькова уңайлыкны һәм үтемлелекне бәяләде.
Россиянең кеше хокуклары буенча Вәкаләтле вәкиле бегучка Татьяна Москалькова: «Биредә кызыклы система әзерләнгән, бу күчмә автобус. Зур торак пунктка сайлау участогы килгәч, кешеләргә ерак сайлау участогына барырга кирәкми.»
Быел бер үк вакытта дүрт сайлау кампаниясе: Татарстан Президентын, Түбән Кама сайлау округында Дәүләт Думасы, Алабуга сайлау округында Дәүләт Советы депутатларын өстәмә сайлаулар, шулай ук җирле, шәһәр һәм район Советлары депутатларын сайлаулар узачак. Тавыш бирү 11-13 сентябрь көннәренә билгеләнгән.
Регина Сафиуллина, Владимир Юрков, Татарстан яңалыклары.
