Тавыш бирү югары дәрәҗәдә узсын өчен барысы да уйланылган, өлкән яшьтәгеләргә, аеруча йөрү мөмкинлекләре чикле кешеләргә җайлы булсын өчен тавыш бирүне өй шартларында үткәрәләр. Аның ни рәвешле үтүен хәбәрчеләребез дә күреп кайтты.
Сайлау комиссиясе әгъзаларын кайчак ишегалларында шикләнеп каршы алалар. Беренче мәлдә битлек һәм ак халатлар кигән, кулларына антисептик шешәләр тоткан кешеләрне ашыгыч ярдәм бригадасы дип уйлыйлар. Кыяфәт бераз сәер булса да башка чара юк.
Ишек тоткычына пакет эленгән , ә тутырылган бюльлетен инде контейнерда. Сайлау ясалган, тавыш бирелгән. Александр Поляков эшләгән ветераннар берлегендә барысы да бу рәвешле тавыш бирде.
«Татарстан Республикасы Ветераннар берлеге» рәисе урынбасары, Татарстан Республикасы Иҗтимагый палатасы әгъзасы Александр Поляков: «Бар да тәртиптәме икән дип карамакчы идем.»
Ә менә Виктор Фроловның Тавыш бирү таләпләре буенча сораулары юк. Бары сайлау участогына үзе бара алмый.
Виктор Фролов: «Ерак араларга йөри алмагач шушылай сайладым . Шалтыраттылар да килделәр.»
Казан шәһәренең 420нче СУК рәисе Наиля Петрова: «Экипировка, битлек, әмма шуңа да карамастан, кешеләр барыбер мөрәҗәгать итә.»
Сайлау комиссиясе әгъзалары шушы рәвешле көненә 50 гә якын фатирны йөреп чыга. Өйдә сайлау өчен бүген кичке бишкә кадәр гариза бирү зарур.
Идел Кыямов, Эльмира Заляева, Ренат Сәхибгәрев.
