Татваленка поселогында яшәүчеләр катлаулы хәлдә калган. Авылга ике керү юлы бар. Әмма икесе дә ябылган. Юл астында нефть үткәргече булганганга, берсен нефтьчеләр япкан. Ә икенчесен, биредә торак төзүче оешма япкан. Әлеге четрекле хәлдән чыгу юлларын хәбәрчеләребез дә эзләде.
Бу борылыш нефть үткәргече уза торган юл участогына алып бара. Монда транспортта йөрергә ярамый. Әмма төзелеш компаниясенең ваемсызлыгы нәтиҗәсендә хәрәкәт тукталмый. «Брайт Парк» комплексы шул урында төзелеш алып бара, вакытлыча юл зур йөк машиналары өчен магистральгә әйләнгән.
«Транснефть» баш инженеры урынбасары Эдуард Ишалин: «Көчле басым астынада астында нефтьүткәргечкә зыян килергә, нефть тышка агып чыгарга мөмкин.»
Ә бу техноген һәлакәт барлыкка китерү куркынычы белән катлаулы – җир өстенә 12 тоннага якын нефть агып чыгарылырга мөмкин. Тик әлегә юлдан төзелеш техникасы йөреп тора. Нефтьчеләр юлны ныгытуны таләп иткән, әмма төзүчеләр акчаларын кызганган. Ә куркыныч хәл була калса, кешеләр гомере өчен кем җавап бирер?
Экранда-атна башында төшерелгән кадрлар. Юлны япканнар. Тик төзүчеләр торба буйлап транспортта йөрүдән туктамаган. Шулай итеп, нефтьчеләрнең иминлекне һәм табигатьне саклау турындагы изге ниятләре куркыныч астында кала бирә.
«Транснефть» баш инженеры урынбасары Эдуард Ишалин: «Төзелеш оешмасы ярты ел эчендә берни дә эшләмәде. Нефть үткәргече аша юл ябылмады, куркыныч хәл саклана.»
Компания вәкилләре прокуратурага мөрәҗәгать итәргә булган. Хокук сакчылары бу хәлне контрольгә алсын диләр. Татваленкада яшәүчеләрнең дә нияте шундый. Чөнки төзелеш компаниясе бу авылга керү юлын койма белән әйләндереп алган, авылга комлы сукмак кына илтә.
Вадим Струминский, Дамир Мөхәммәтханов.
