«Татмедиа»ның йомгаклау коллегиясендә милли телләрдә массакүләм мәгълүмат чараларын саклау һәм үстерү өстенлекле бурыч итеп куелды. Узган ел басмаларның тиражы кимесә дә, аккаунтларда аудитория арткан. » Массакүләм мәгълүмат чаралары эшчәнлегендәге яңача караш һәм традицияләр турында киләсе репортажда.
Милли китапханә фойесы — республика массакүләм мәгълүмат чараларының мәйданчыгына әйләнде. Хезмәттәшләр уңышлары белән уртаклаша. «Татарстан Авазы» он-лайн радиосы бер ел эчендә бик зур аудитория җыйды. Татар классикасын читтә дә тыңлыйлар.
Раил Садри “Татарстан авазы” интернет радиосы җитәкчесе
Туган телләрдә тыңлау, уку-мөһим бурыч. Татмедиа коллегиясендә өстенлекле юнәлешләр билгеләнде. Мәгълүмат кырында милли мәгълүмат чараларының урыны киң булырга тиеш.
Илназ Фәйзуллин “Ялкын” журналы баш мөхәррире
Төбәкләрдә чыккан милли телләрдәге басмалар татарларга һәм башка милләт вәкилләренә тарихи ватан белән бәйләнешне, татар мәдәниятен, гореф-гадәтләрен сакларга, үстерергә ярдәм итә.
Әсгать Сәфәров Татарстан Республикасы Президенты Аппараты җитәкчесе
Социаль челтәрләрдән файдаланучыларны күбрәк хакимиятләрнең эше, социаль проблемалар, медицина кызыксындыра. Шулай ук мониторинг традицион массакүләм мәгълүмат чаралары интернет ресурсларының популярлыгы аеруча зур булганда калуын күрсәтте.
Укучы, тыңлаучы, тамашачы өчен эшләү, ә иң мөһиме журналист һөнәренең абруен саклап калу, дип билгеләп үттеләр, очрашуга йомгак ясап. Алдынгыларны республика Президенты исеменнән Рәхмәт хаты белән бүләкләделәр. Бүләкләнүчеләр арасында «Татарстан» дәүләт телерадиокомпаниясе директоры Фирдүс Гыймалетдинов, аның урынбасары Дмитрий Второв та бар.
Алмаз Хәкимов, Сергей Павлухин, Татарстан яңалыклары.
