Татарстанның ике сыйныф җитәкчесенә – Лениногорск нефть техникумының гомуми белем бирү дисциплиналары укытучысы Татьяна Мадиева һәм Казанның Идел буе районында урнашкан 129нчы информатика мәктәбе укытучысы Ерлан Аймаганбетовка Россия Президентының Рәхмәт хатлары тапшырылды.
Алар РФ Президентының Рәхмәт хатына илнең һөнәри педагогик бергәлеген формалаштыру һәм үстерүгә сизелерлек өлеш керткәне өчен лаек булды. Рәхмәт хатларын 5 октябрьдә Мәскәүнең Кунак сарае сәхнәсендә Сыйныф җитәкчеләре форумы амбассадоры тапшырды.
«Татар-информ» агентлыгы элегрәк хәбәр иткәнчә, Сыйныф җитәкчеләре форумы 3-7 октябрьдә үткәрелә, анда шул исәптән Татарстаннан да 70 педагог катнаша.
Россия Президенты Владимир Путин 2023 елны Укытучы һәм остаз елы дип игълан итте. Форум Россия Президенты күрсәтмәсе буенча РФ Мәгариф министрлыгы тарафыннан уздырыла. Сыйныф җитәкчеләре форумының стратегик партнеры – «Төбәкләр диалогы» коммерцияле булмаган автоном оешмасы.
