1-4 сыйныф укучылары, акча түләмичә генә, тулы кыйммәтле төшке аш белән тукланалар. Шул ук вакытта меню — төрле, сәламәткә файдалы туклану кагыйдәләре буенча төзелгән
Туклануны оештыру буенча генераль директор урынбасары Алла Агапова: «Монда, һичшиксез, җиләк — җимеш, салкын кабымлык-салат яки яшелчәләр керә, икенчегә — гарнир, эчемлек, икмәк. Болар тулы кыйммәтле кайнар ризыклар, түләүсез туклану кертелүен белгәч, без менюны әзерләдек, эксперт бәяләмәсе алдык, Роспотребнадзорда килештердек.»
Бушлай кайнар төшке аштан тыш, мәктәп укучылары төрле тулыландырылган комплекслы иртәнге ашларны да сатып алалар. Аларның бәясе 30 сумнан башлана, база комплексына ботка, икмәк, май һәм эчемлек керә. Җыелманың ассортименты бәясеннән тора.
Ашханәдә туклануны оештыру да үзгәрде. Хәзер балалар ашханәгә катгый расписание буенча керә. Казанның 87 мәктәбендә-бер юлы 2шәр сыйныф. Моның өчен дәресләр расписаниесен дә үзгәрткәннәр.
87 нче урта гомуми белем бирү рус-татар мәктәбе директоры Ләйсән Шәрәфуллина: «Быел без ашханәдә туклануның аерым графигын төзедек, һәр сыйныфның үз вакыты бар, укучыларны өстәлләр янына социаль дистанцияне саклап утыртабыз.»
Туклангач өстәлләрне препаратлар белән эшкәртәләр, ә бина җилләтелә — бу Роспотребнадзорның мәҗбүри шарты. Мондый таләпләр республиканың барлык мәктәпләренә кагыла.
…Алсу Хәбибуллина, Сергей Павлухин, Татарстан яңалыклары.
