Моннан дүрт ел элек Татарстанның Биектау районы Калинино авылы янында, Казан юлы өстендә «Рубин» футбол такымының ул чактагы уенчысы Гөкдениз Карадениз салдыра башлаган мәчетнең төзелеше тәмамланган. Әлегә ул рәсми рәвештә ачылмаса да, анда инде гыйбадәтләр уздыра башлаганнар.
Мәчет ике катлы, ике манаралы итеп кирпечтән салынган. 23 метр биеклектәге манараларның берсе татар, икенчесе төрек стилендә. Мәчет 350гә кадәр исәпләнгән.
