Россия Гидрометеоүзәгендә Россия Гидрометеоүзәгендә Татарстанга әбиләр чуагы әйләнеп кайтачагын вәгъдә иттеләр.
Идел буе федераль округының барлык төбәкләрендә, шул исәптән Татарстанда алдагы көннәрдә нормадан 6-8 градуска югары температура урнашачак. РФ Гидрометеоүзәгенең фәнни җитәкчесе Роман Вильфанд шулай дип белдерде. Бу хакта ТАСС агентлыгы хәбәр итә.
«Алдагы көннәрдә Идел буе федераль округында әбиләр чуагы хакимлек итәчәк, температура нормадан 6-8 градуска югарырак булыр дип көтелә. Бу алдагы ике көндә көндез һава температурасы +14..+18 градус булачак дигән сүз», — дип искәртте метеоролог.
Вильфанд сүзләренчә, супе рҗылы (нормадан 7-8 градуска югарырак) һава торышы Урал һәм Көньяк Себер төбәкләрендә дә урнашачак. Моннан тыш, Таймыр, Якутия, Бурятия һәм Байкал артының көньягына да аномаль җылы һава торышы киләчәк.
