Татарстандагы сугару комплексы — илдә иң алга киткән комплексларның берсе. Бу хакта Казанда узган киңәшмәдә Россия Федерациясе Авыл хуҗалыгы министрлыгының Мелиорация департаменты директоры Дмитрий Сорокин белдерде. Семинар-киңәшмәдә мелиорация өлкәсен үстерүнең масштаблы программалары турында фикер алыштылар. Биектау районындагы «Казанка» сугару техникасы заводын карадылар.
Биредә һәр деталь шаблон буенча эшләнә. Хаталар булырга тиеш түгел-югыйсә сугару машинасы яраксыз булачак. Евгений Добрынинның эше аеруча җаваплы — конструкцияне ныгытып торган күперләр ясый.
Эшне Азов тәҗрибәсеннән башладык. Нигез итеп немец технологияләрен алдык. Алар күпкә җиңелрәк, уңайлырак, сыгылмалырак, тизрәк эшләнә.
Завод 2016 нчы елда төзелгән иде. Бу – Россиядәге күәтле өч заводның берсе, төп үзенчәлеге-табигый яңгыр ысулы белән су сибү. Завод йөздән артык су сиптерү машинасы эшләп чыгарды. Хәзер алар Татарстан һәм Россиянең башка төбәкләре кырларында уңышлы эшли.
Республикада мелиорацияне үстерү буенча масштаблы программалар гамәлгә ашырыла. сугарулы җирләрнең мәйданы-170 мең гектар.
РФ Авыл хуҗалыгы министрлыгының Мелиорация департаменты директоры Дмитрий Сорокин: « Хәзерге вакытта илдә ике төрле программа гамәлгә ашырыла. Икесе дә. авыл хуҗалыгы товар җитештерүчеләренә зур ярдәм итә.»
Быел республикада мелиорациягә ярдәм итүгә 558 миллион сум бирелгән. Акча техник базаны төзекләндерүгә, яңа буалар булдыруга, сугару системасы җиһазлары сатып алуга тотылачак. Мелиорация белән шөгыльләнүче товар җитештерүчеләр ташламалардан да файдалана.
ТР Премьер-министры урынбасары — Авыл хуҗалыгы һәм азык-төлек министры Марат Җаббаров: «Субсидия 70 процентка тигез. Шундый федераль, республика программаларыннан файдаланырга кирәк дип саныйм. Өстәвенә, безнең республикада сугару җайланмалары заводы бар. Бу да безнең төбәк өчен зур әһәмияткә ия.»
Хәзер Россия Федерациясе Авыл хуҗалыгы министрлыгы 2030 елга кадәр илнең мелиорация комплексын үстерү дәүләт программасы проектын эшләгән. Экспертлар фикеренчә, бу Россия агросәнәгать комплексына яңа үсеш дәрәҗәсенә чыгарга ярдәм итәчәк.
Ралина Абрамова, Рәфкать Зыятдинов.
