Татарстанда интеллектуаль транспорт системаларын булдыруның чит ил тәҗрибәсен караячаклар. Бу хакта «юл хәрәкәте иминлеге» дәүләт учреждениесе директоры Рифкать Миңнеханов сөйләде. Республикада аларны гамәлгә кертү бара инде.
Интеллектуаль системаларны шулай ук Казан һәм Чаллы агломерацияләрендә «Куркынычсыз һәм сыйфатлы автомобиль юллары» илкүләм проекты буенча да кертү планлаштырыла. Экспертлар республикада аларны булдыруның төп проблемасы-стандартлаштыру җитмәү дигән фикергә килде. Рифкать Миңнеханов сүзләренә караганда, бу тема белән бердәм структура шөгыльләнергә тиеш.
