Хәзер Татарстанда өлешләп акча кертеп, фатир алуда алданган кешеләргә ярдәм итү буенча берьюлы ике — федераль һәм республика программалары эшли. Икесе дә намуссыз төзүчеләр китереп чыгарган проблеманы уңышлы хәл итүгә юнәлдерелгән. Әйтик, соңгы ике елда өлешләп төзүдә катнашкан дүрт мең кеше фатирлы булды. Тагын өч мең фатир ачкычын хуҗалары киләсе елның уртасына кадәр алачак. Тулырак киләсе репортажда.
Әле өч ай элек кенә Чыңгыз Айтматов урамындагы әлеге йорт урынында субайлар гына кагылган иде. Хәзер инде сигез каты күтәрелгән. Ә киләсе елның язында җир асты парковкалы йорт тулысынча әзер булачак. Ул «Молодежный» торак комплексында урнашкан.
Наилә Сәлахова «Фон» фирмасы йорты төзелешен җиде ел көтә инде.
бер бүлмәле фатир сатып алу өчен йортыбызны саттык. Төзелешкә акчаны 2013 елның декабрендә керттек. Ике миллион сумнан артык.
Төзүчеләр генә вәгъдәне үти алмаган. Республика җитәкчелегенә һәм федераль структураларга тыкшынырга туры килгән.
ТР өлешчеләргә ярдәм фонды башкарма директоры Иван Новиков: күптән түгел өлешчеләрнең хокукларын яклау буенча федераль органның күзәтчелек советы утырышы узды, анда алар бу төзелешне финанслаячак дигән карар кабул ителде.
Шулай итеп, берничә йорт төзелеп беткән. Алар арасында Чыңгыз Айтматов урамындагы биек йорт та бар. Аны сентябрь ахырында тапшыралар.
Ә бу масштаблы төзелеш, Губкин урамында берьюлы уналты кран эшли, Биредә “Фон” фирмасыннан калган өч йортны тиздән төзеп бетерәләр.
2012 елда мин МЧС торак комплексында 2 миллион 700 мең сумлык өч бүлмәле фатир сатып алдым. Йорт урыны казылган гына, мәйданчыкның яртысы кирпечләр белән тулган иде. Төзелеш бара кебек. Риэлтор «Фон» һәрвакыт шулай сатты дип ышандырды. Шуңа күрә алдык.
Хәер, проект та, йорт төзелешенә рөхсәт тә булмаган. 2020 елда гына объектка яңадан төзүчеләр килгән.
ТР өлешчеләргә ярдәм фонды башкарма директоры Иван Новиков: хәзер өлешләп акча кертеп төзү өлкәсендә зур реформа булды, эскроу — счет керттек. Реформаның мөмкинлекләренә ышанабыз. Президент та мондый оятсызлыкны бетерергә, кешеләр акчасын урлашуны туктатырга кирәк дип катгый сүзен әйтте.
Өлешчеләрнең акчалары эскро-счетларда булу белән яклана. Хәзер төп проблема-алдан булдырылган проблемаларны хәл итү.
Хәзер дүрт мең өлешче үз фатирларына кергән инде. Тагын өч мең кеше киләсе ел фатирлы булачак.
агымдагы ел ахырына кадәр әле күптән түгел генә проблемалы торак йортларның өлешчеләре булган дүрт йортта өй туйларын үткәрергә җыеналар. Киләсе елның беренче кварталы ахырына кадәр тагын җиде күп фатирлы йортны торгызачаклар. Ниһаять, иң соңгы сакаллы төзелеш 2021 ел уртасына тәмамланырга тиеш.
2020 елда файдалануга тапшырылачакдүрт йорт:
— Казан шәһәре, Айтматов ур.
— Алабуга шәһәре, Меңьеллык ур.
— Питрәч районы Көек бистәсе
2021 елның беренче кварталында.
Казанда җиде йорт тапшырылачак:
— Айтматов ур .
— Яшьләр » ТК»
— Губкин ур .
«ГТХМ» ТК (өч йорт)
— «Свей» фирмасы, Достоевский ур.
— Четаев ур. (ике йорт)
— “Золотая середина » ТК»
— «Свей» Фирмасы
2021 елның икенче кварталында
йортлар тапшырылачак:
— Габишев ур .
“ Мелодия » ТК
