Татарстандагы тагын 255 гаилә «Торак һәм шәһәр тормышы » илкүләм проекты буенча яңа фатирларга күченде. Алар Салават Күпере торак комплексының Йосыпов урамындагы йортында фатир ачкычлары алды. Фатир хуҗаларының шатлыгын безнең иҗат төркеме дә уртаклашып кайтты.
Шатлык-куанычлары чиктән ашкан хуҗалар төзек яңа йорттан фатирларын карыйлар. Сергеевлар гаиләсе фатирны өч ел көткән. Икенче балалары туган, әти-әни янында яшәү җиңел булса да, үз куышлары кирәк иде.Яңа йорттан гаилә 85 квадрат метрлы өч бүлмәле фатир алган.
Сергеевлар Татарстанның башка йөз гаиләсе кебек үк, «Торак һәм шәһәр мохите» илкүләм проекты буенча фатирлы булды. Барлык фатирлар да төзек, кирәкле сантехника, электр плитәләре һәм янгын сигнализациясе датчиклары белән җиһазландырылган.
Йортта чүп үткәргечне куймаска булганнар, чөнки еш кына ул күсе һәм тараканнар үрчү урыны. Бу урын бушап калган, хәзер монда балалар коляскалары, самокатлар һәм велосипедлар куярга мөмкин.
Венера Кузьмина да яшәү шартларын яхшырткан, иркен якты фатирга күчкән. Моңа кадәр хатын улы белән кечерәк фатирда яшәгән, хәзер инде хыялы чынга ашкан.
Татарстанның 255 гаиләсе күптән көтелгән фатирларга күченде. Ел ахырына Салават Күпере микрорайонында тагын 9 йортны тапшырырга планлаштыралар, шуңа күрә яңа торак алучылар әле тагын арта.
Лилия Талипова, Рәфкат Зыятдинов, Татарстан яңалыклары.
