Татарстанда «1001 удовольствие – 1001 ләззәт» дигән туристик программа әзерләнде. Ул республикабызда эчке туризмны үстерүне, истәлекле тарихи һәм табигатьнең гүзәл урыннарында ял итүне күздә тота. Яңа маршрутлар тәкьдим ителә. Кама тамагы районыннан хәбәрчебез репортажы.
Швейцариядән бер ягы белән дә ким түгел. Табигатьнең сихри гүзәл урынына сәгать ярымда барып җитәргә була. Төз ылыслы агачлар сафы, яшел келәмне хәтерләтүче киң газоннар. Европадагы иң зур питомникларның берсе шунда урнашкан.
Бу император питомнигы булып санала. Монда сирәк очрый торган ылыслы агачлар, әйтик зәңгәр алмаз дип аталган чыршыларга кадәр үсә. Ә «биолобок» чыршысының ботаклары сары, ә гомумән монда сулыш органнары авырулы кешеләргә иркен саф һава.
Матур утрауларда туристларны гаҗәеп сыннар каршы ала. Фотосүрәткә төшү өчен матур урын.
ТР туризм буенча Дәүләт комитеты матбугат хезмәте җитәкчесе Оксана Аганина: «Беренчедән, бу матур, икенчедән, танып-беләсең, өченчедән тәмле, дүртенчедән уңайлы, һәм бишенчедән, болар барысы да бер Татарстанда берләшә.»
Кама Тамагы Иделнең уртасында урнашкан. Кешеләр барлык Россиядән килә.
Әлбәттә, Кама Тамагы районының тагын бер истәлекле урыны — таулар турында да онытмаска кирәк. Алар, әлбәттә, зур түгел, аның каравы нинди гүзәллек. Ә Идел күз явын алырлык киң, матур.
Сергей Семеркин турист: «Җәй ул тиз уза. Бу ял итү өчен Татарстанның бик матур урыны. Кояшта ләззәтләнергә, табигатькә хозурланырга була.»
Туристик программага җирле фабрикалар буенча экскурсияләр дә керә. Биредә ак күгәрекле сыр — Француз Камамберының аналогы бар. Туристларны да сыйлыйлар.
Җитештерүнең генераль директоры Алмаз Насыйров: «Безгә Француз рестораны аш-су остасы да килде, безнең продукцияне татып карады. Үзләренекенә охшаган диде, мактады.»
Татарстанда «1001 ләззәт» туристик программасы әзерләнде. Экотуризм республиканың байтак урыннарында үсеш алды. Кунакларны шулай ук тарихи Алабуга, Бөек Болгар һәм Зөя шәһәр-утравында да көтәләр.
Алмаз Хәкимов, Сергей Павлухин, Фәнис Мөхәммәтов.
