Татарстан радиосында Тинчурин театры атналыгы башланып китте.
Ул 6 ноябрьгә кадәр дәвам итә. Һәм Тинчурин театры бинасыннан турыдын — туры эфирга чыгу белән тәмамлана. Бу көнне Кәрим Тинчурин исемендәге татар дәүләт драма һәм комедия театры зурлап 90 еллыгын билгеләп үтә. Театр һәм Татарстан радиосы арасындагы махсус проект татар халкында театрга карата булган мәхәббәтне тагын да үстерер дигән ният бар.
Атна дәвамында Татарстан радиосы эфирында Тинчурин театры турында тапшырулар чыгып барачак. Аларны театр артистлары үзләре алып бара. Татарстан радиосында Тинчурин театры атналыгына стартны театр директоры Фәнис Мөсәгыйтов бирде. Ул безнең белән элемтәдә.
