Рөстәм Миңнеханов «Яшел Үзән» сәнәгать паркында Wildberries логоүзәген ачты. Яңа үзәк ярдәмендә Татарстан сатып алучылары товарларны икенче көнне ала, ә җирле компанияләр продукцияне башка төбәкләргә һәм чит илләргә сата алачак. Татарстан Президенты Рөстәм Миңнеханов «Яшел Үзән» сәнәгать мәйданчыгы территориясендә Wildberries сату-бүлү үзәгенең беренче чиратын ачты.
«Бу мәйданчыкта без узган елның ноябрендә свай кагудан башладык, бүген бу — 50 мең квадрат метрлы комплекс. Иң мөһиме — яңа эш урыннары, бу зур инвестицияләр. Бу кече һәм урта бизнес шушы мәйданчык аша үз продукциясен тәкъдим итә алсын өчен эшләнде», — диде Рөстәм Миңнеханов.
Моннан тыш, компания логоүзәге барлыкка килү нәтиҗәсендә Татарстанда Wildberries заказларын китерү тизлеге артачак.
***
Рөстәм Миңнеханов, «Яшел Үзән» сәнәгать паркында вайлдберес лого-үзәген ачты.Яңа үзәк ярдәмендә Татарстан сатып алучылары, товарларны икенче көнне ала, ә җирле компанияләр продукцияне башка төбәкләргә һәм чит илләргә сата алачак.
Иң мөһиме — яңа эш урыннары, бу зур инвестицияләр. Кече һәм урта бизнес шушы мәйданчык аша үз продукциясен тәкъдим итә алсын өчен эшләнде», — диде Рөстәм Миңнеханов. Моннан тыш, компания лого үзәге барлыкка килү нәтиҗәсендә, Татарстанда заказларын китерү тизлеге артачак.
Шулай ук Родина мәдәният сарае паркында ул яңартылган юллар аша спорт һәм уен мәйданчыклары, амфитеатр белән танышып чыкты. Ә аннан ТАССРның 100 еллыгына багышланган өр-яңа ярдәмче электр станциясендә һәм төзекләндерелгән “Маяк” спорткомплексында да булды.
***
Татарстан Президенты Рөстәм Миңнеханов Яшел Үзәндә “Кораблик” исемле яңа балалар бакчасын ачуда катнашты. 220 балага исәпләнгән бакча мактаулы корабль төзүче Евгений Тиховнин исемен йөрткән урамда төзелде. Тиздән Яшел Үзән районында “Умка” дигән тагын бер бакчаны ачу күздә тотыла.
Җитез матрослар һәм, әлбәттә инде, капитан. «Кораблик» балалар бакчасында Татарстан Президентын җыр-биюләр белән каршы алдылар.
Штурвал рәвешендәге символик ачкычны нәни хуҗаларга төзүчеләр бүләк итте. 220 урынга һәм 12 төркемгә исәпләнгән балалар бакчасын алар бер елдан азрак вакытта төзегән.
30нчы номерлы «Кораблик» балалар бакчасы мөдире Светлана Кошалева: «Чыннан да, нинди корабль штурвалсыз, капитан күпереннән башка була инде ул?! Чөнки биредә корабль төзүчеләрнең балалары, оныклары йөриячәк бит!»
Ә стеналардагы картиналар буенча суднолар төзүне кечкенәдән дә башларга мөмкин. Татарстан Президентына шулай ук спорт һәм музыка залларын да күрсәттеләр. Иң кечкенәләр өчен бүлмәләрнең идәннәре җылытыла, ә өлкән төркемнәргә интерактив такталар куелган. Һәр киенү-чишенү бүлмәсендә аяк киемнәрен киптерергә була. Балалар мәйданчыкларындагы газоннар һәм ике спорт корылмасындагы махсус катлам да биредә балаларның сәламәтлеге турында зур кайгырту турында сөйли.
Республикада ел ахырына кадәр дистәдән артык яңа балалар бакчасы файдалануга тапшырылачак. Чөнки кешеләр турында кайгырту — һәркемгә игътибар — ул Татарстан үсешенең өстенлекле юнәлеше.
