Республикада берничә атнадан соң көзге чәчү башлана. Татарстан игенчеләре чәчү компаниясенә әзер. Яз көне чит ил чәчү комплекслары өчен иң куркынычы запас частьләр җитмәү иде. Аларның хәзер кирәге дә юк, чөнки Мөслимдә авыл хуҗалыгы техникасы җитештерү буенча завод эшли.
Лазер станогы алдан куелган программа буенча чәчү комплексы өчен тышчаны кисеп ала. Әлеге станокка теләсә нинди калынлыктагы металл, алюминий һәм башка чимал буйсындырыла.
Биредә инде берничә ел чәчкечләр, дискокультиваторлар, чәчү комплекслары җитештерелә. Элек комплект өлешләрен чит илдән сатып алсалар, бүген 95 проценты предприятиедә ясала. Мәсәлән, мондый станокта металл эшкәртү цехында ни теләсәң шуны эшләргә мөмкин.
Станок алдан куелган программа буенча эшли һәм бөтен эшне үзе башкара
Заманча технологияләр хисабына хезмәт җитештерүчәнлеге бу дистә ел эчендә 12 тапкыр арткан. Узган ел нәтиҗәләре буенча заводта мең 200 агрегат эшләп чыгарганнар. Бу ел ахырына — якынча мең ярым булыр дип көтелә.
Бүген биредә Татарстан хуҗалыклары һәм илнең башка төбәкләре өчен цехлардан турыдан-туры чәчү техникасын төяп җибәрүләрен дәвам итәләр, ул берничә атнадан яңа уңышка ирешү өчен кырларга чыга.
Дмитрий Второв, Александр Решёткин, Илдар Сафиуллин, Татарстан яңалыклары, Мөслим районы.
