Татарстан Диния нәзарәтендә озак еллар бер –берсенә терәк булып яшәгән һәм күп балалы гаиләләр катнашында тантаналы чара узды. Бәхетле гаиләләр белән хәбәрчебез Мөршидә Җиһан аралашып кайтты.
Әйе, тату гаилә – бәхетле гаилә, дип юкка гына әйтмиләр. Бер-береңне хөрмәт итеп, кадереңне белеп яшәгән чакта гына, гаилә тату һәм бөтен була. Татарстанның Мөслимәләр берлеге бәхетле гаиләләр исемлеген барлады.
Үз чыгышын Татарстан Мөфтие Камил хәзрәт Сәмигулинның сәламнәрен җиткереп, башлаган Илфар хәзрәт мәҗлес түрендәге кунакларга гаилә кыйммәтләренең асылын чагылдырган үгет нәсыйхатләрен сөйлдәде.
Гаилә ныклыгына бары тик ярату, җаваплылык һәм зур сабырлык аша гына ирешелә дип уртаклашты 50 елдан артык бергә яшәүче парлар.
Бар нәрсә дә бит гаиләдән башлана. Юкка гына безнең халык «оясында ни күрсә, очканда шул булыр» дип әйтмәгән.
“Бәхетле гаилә” чарасына килгәндә 50 ел бергә яшәүче гаиләләрне уйлап бик гаҗәпләндем. Баксаң үземнең дә гаилә корып яшәвемә 46 ел икән дип уртаклашты Зилә Вәлиева.
Бәхетле гаиләләрне котлау тантанасында катнашкан Иран Республикасының Казандагы генераль консулының хәләл җефете исламда гаилә кыйммәтләренең әһәмиятен искәртте.
Руфия һәм Нуриәхмәт Биктаһировларны гаилә стажы 52 ел.
Татарстанда бәхетле гаиләләр бүгенге чарада катнашучылар белән генә чикләнми билгеле. Гомумән һәркемгә, һәр гаиләгә бәхетле булып яшәргә язсын.
Мөршидә Җиһан , Владимир Юрков Татарстаан яңалыклары
